ភ្នំពេញ៖ ក្រសួងធនធានទឹក និងឧតុនិយម បានប្រាប់ឱ្យដឹងថា នៅសប្តាហ៍ខាងមុខនេះ នៅកម្ពុជាទទួលរងឥទ្ធិពលពីទ្រនុងសម្ពាធខ្ពស់ និងខ្យល់មូសុងឦសាន្តក្នុងកម្រិតមធ្យម។ ស្ថានភាពនេះនឹងធ្វើឱ្យនៅតាមបណ្តាខេត្តមួយចំនួននឹងបន្តធ្លាក់ភ្លៀងក្នុងកម្រិតតិចតួច។
នៅតំបន់ទំនាបកណ្តាលនឹងអាចមានភ្លៀងធ្លាក់តិចតួចលើកលែងតែរាជធានីភ្នំពេញ ខេត្តភាគខាងក្រោមដែលភ្លៀងអាចធ្លាក់ ក្នុងកម្រិតមធ្យមដោយអន្លើតែប៉ុណ្ណោះ។ នៅតំបន់នេះនឹងមាន សីតុណ្ហភាពអប្បបរមា មានពី ២២-២៤អង្សា និងមានសីតុណ្ហភាពអតិបរមា មានពី ៣០-៣២អង្សា។
នៅតំបន់ខ្ពង់រាបនឹងអាចមានភ្លៀងធ្លាក់តិចតួចតែប៉ុណ្ណោះ ហើយនឹងមានសីតុណ្ហភាពអប្បបរមាពី ២០-២២អង្សា និងមានសីតុណ្ហភាពអតិបរមាពី ២៨-៣០អង្សា។
ចំណែកនៅតំបន់មាត់សមុទ្រនឹងមានភ្លៀងធ្លាក់តិចតួចតប៉ុណ្ណោះ ហើយមានសីតុណ្ហភាពអប្បបរមាពី ២៣-២៥អង្សា និងមានសីតុណ្ហភាពអតិបរមាពី ៣០-៣២អង្សា៕
ព័ត៌មានជាច្រើនទៀតសម្រាប់អ្នក
